تطبيق مرجان… تضامن وتبرع بالفطور

المنصة الإلكترونية ديال علامة مرجان خصصات للزبناء ديالها إمكانية التضامن والتبرع بوجبة الفطور ديال رمضان، واللي ما كا يفوتش الثمن ديالها 10 درهم. يمكن للمتبرعين يشريو وجبة أو عدة وجبات إفطار، على فضاء “رمضان مرجان التضامني”، باستعمال التطبيق ديال مرجان، اللي كا يمنح وجبة إفطار إضافية مع كل 10 وجبات غادي يشريوها متبرعين.

الوجبات كا تباع بسعر التكلفة ديالها وما كا تحقق حتى هامش ربح. وكا يتدفع الثمن ديالها ببطاقة أداء بنكية أو باستعمال نقاط بطاقة الوفاء.

وكا يشارك مع مرجان فهاد الحملة ديالها التضامنية بمناسبة رمضان، طلبة المدارس والجامعات وعدد من المستخدمين المتطوعين، اللي كا يجمعو ويوزعو التبرعات على الناس.

الإفطارات التي جمعاتها ووزعاتها مرجان العام اللي فات وصلات 17000 وجبة إفطار.