تمر الدزاير… إقبال كبير واخا شائعة السرطان

أسواق المغرب كا تعرف واحد الإقبال كبير على التمر ديال الدزاير، خاصة فمنطقة الشرق، واخا ديك الشائعات اللي خرجات باللي فيه مواد مسرطنة والدعوات ديال المقاطعة ديالها فمواقع التواصل.

هاد الإقبال عندو سبب هوا الجودة ديالها والثمن ديالها المناسب اللي كا يبدا من 20 درهم ونتا طالع وما كا يفوتش 50 درهم، عكس التمور لخرى اللي الثمن ديالها غالي بزاف، واللي ما كا تناسبش القدرة الشرائية ديال المغاربة اللي تراجعات بزاف من بعد الوباء، وتدكدكات اكثر بسباب ارتفاع الأسعار.

أنواع التمور لخرى مغربية أو إماراتية أو تونسية أو مصرية أو أردنية كا تبدا من 60 درهم ونتا طالع وكا توصل ل100 درهم للكيلو، أما “المجهول”، فكا يوصل الثمن ديالو حتى ل200 درهم، بالنسبة لهاداك اللي جاي من إسرائيل واللي كا يتميز بواحد الجودة عالية بزاف.