بريوات… بالروز ماشي غير باللوز

ما كاينينش غير بريوات اللوز اللي كا يجيو بنان. كاينين حتى بريوات ديال الروز. باش تصاوبوهوم خاصكم 150 غرام ديال الروز لبيض وكاس ديال الحليب المركز المحلى والملح و100 غرام من اللوز المقشر والمقلي والمهرمش

والوراق ديال البسطيلة والزيت ديال القليان والعسل.

غا تحطو الروز مع شوية ديال الملحة فطنجرة. وغا تزيدو عليه شوية ديال الما البارد، وتحطوه على عافية متوسطة وتبقاو تحركو فيه تا يشرب الما كلو ويطيب. كا تحطوه من بعد فطبسيل كبير حتى يبرد، وتزيدو عليه الحليب المركز، وشوية ديال اللوز، ومن بعد حشيو داكشي فلوراق ديال البسطيلة على شكل مثلثات، قليوه فبزاف ديال الزيت وغمسوه فالعسل، وزينوه باللوز المهرمش.