كارفور جديد في برشيد

فتحات مجموعة “لابيل في”، “كارفور” جديد كبير من صنف “هايبر مارشي”، ببرشيد، المساحة ديالو 4000 متر مربع، والاستثمار فيه وصل ل 150 مليون درهم، وغادي يخدم واحد 360 شخص.

كارفور الجديد ديال برشيد كا يقدم للزبناء ديالو أكثر من 30 ألف منتوج، وزيد عليهم خدمات الطعامة والمنتوجات الطازجة، اللي كا تستغل تقريبا 40 في المائة من مساحة المتجر كلها لعرض الفواكه والخضر ومنتوجات الجزارة والأجبان، وزيد عليها فضاء الخبز والمعجنات والحلويات، اللي كا تصاوب وكا تطيب في المتجر نيت، ويمكن تلقاها في أي وقت مشيتي تتقدى.

هاد المتجر الجديد فيه كذلك فضاءات خاصة بالمنتوجات “الطازجة الجاهزة”، وفيه منصة لتقديم “السوشي” ومطعم، إضافة إلى فضاء كبير مخصص للمنتوجات العضوية والصحية. وكا يعرض المتجر أيضا، تشكيلة واسعة من التجهيزات الإلكترو منزلية الصغيرة والكبيرة، إلى جانب رواق مخصص للحيوانات الأليفة.