الما ديال ليباط… ما تلوحوهش واستعملوه فحاجات كثيرة

تعودنا على أننا نلوحو الما اللي كا نسلقو فيه ليباط. واخا هوا كا يصلاح لبزاف ديال الحوايج بلا ما نضيعوه. هاداك الما نقدرو نزيدوه فليصوص اللي كا نبغيو نصاوبوها، (صوص طوماط مثلا) حسب الطلب، حيت كا يرجعها عاقدة بلا ما نزيدو فيها لاكريم ولا الزيت.

الما ديال ليباط، إيلا كان سخون، يقدر يحيد لينا الطبايع من لحوايج ويقدر كذلك نستعملوه كمنظف ديال اللواني فبلاصة دوك البرودوي شيميك اللي ما مزيانينش للصحة وللجلد.

إيلا برد الما، تقدري تحطيه على شعرك، بحال شي علاج غادي يرجع ليك اللمعان للشعر ديالك. تديري واحد الماساج لفروة راسك قبل ما تغسليه بشكل عادي.

تقدرو تغسلو بيه رجليكم وتحطوه فشي باسينة وتخليوه يبرد وتخشيو الرجيلات ديالكم. غادين تحسو بواحد الراحة كبيرة بفضل المعادن اللي كا يحتويها داك الما.