ما خبيناش عليكم
اللي بغا ياكل الكاكي… ها كيفاش
الكاكي فاكهة زوينة وحلوة وفيها بزاف ديال الفوائد. ولكن بزاف ديال الناس ما كا يعرفوش ياكلوها. أولا خاصنا غسلو الكاكي مزيان تحت الما ديال الروبيني ونشفوه، حيت الجلدة ديالو حتى هيا صالحة للأكل. ويلا بغيتو تحيدو الجلدة ديروها شوية فالما سخون باش تزولوها بسرعة. حيدو منو ديك الشجيرة الفوقانية وقطعوه بحال كا تقطعو مطيشة. وتقدرو تقطعو داك الراس الفوقاني وتاكلوه بالمعلقة بحال كيفما كا نديرو بعض المرات للدلاح ولا البطيخة.
