ما خبيناش عليكم
الألياف واليوغورت يوميا كا يحفظ من السرطان
واحد الدراسة تدارت فالمريكان، أكدات أن اتباع نظام غذائي فيه بزاف ديال الألياف واليوغورت، (أو الزبادي) بشكل يومي، كا يساعد على تخفيض خطر الإصابة بسرطان الرئة، بحوالي واحد 33 في المائة.
هاد الدراسة، اللي نشراتها مجلة “التغذية” الأمريكية، أكدات أيضا على فوائد اليوغورت والألياف فالحماية من أمراض القلب والأوعية الدموية وسرطان الجهاز الهضمي.
الألياف موجودة فمجموعة ديال الفواكه بحال البنان والليمون والبوعويد. كاينة أيضا فالزبيب والشعير والنخالة والعدس واللوبيا واللوز، وفبزاف ديال الخضر بحال الخرشف والبروكولي واللفت والبطاطا وخيزو، اللي من الأفضل يتخادو مسلوقين حيت كا يكونو محافظين على الألياف ديالهم بنسبة كبيرة.
