الحياة رجعات لمطاعم وقهاوي جامع لفنا

رجعات الحياة من جديد للمطاعم والقهاوي ديال ساحة جامع لفنا الشهيرة فمراكش، من بعد ما سمحات ليهم السلطات يحلو حتى للحداش ديال الليل، وخففات شوية فشروط السفر والتنقل على الناس. (هادشي قبل ما يطيح القرار ديال السدان تاني مع التسعود ديال الليل وحظر التجول).

القهاوي والمطاعم المشهورة ديال الساحة، حلات من بعد شهور ديال السدان. عدد كبير منهم عاود المحلات ديالو اللي تكرفصات بسبب توقف الرواج بسباب انتشار الفيروس.

المطاعم والفضاءات اللي كا تدير الشوا كا تعرف إقبال كبير من المغاربة، خاصة فالعطل والويكاند، اللي كا يتكبو فيه الناس ديال الرباط وكازا بزاف على مدينة البهجة، الوجهة السياحية رقم 1 فالمغرب.