“فيرمون”… المطبخ الياباني الأسطوري وسط تاغازوت

أوتيل “فيرمون تاغزوت باي” فأكادير، كا يوفر واحد التجربة زوينة ديال الماكلة للزوار ديالو اللي كا يبغيو ماكلة الريستورات. المنتجع حل مجموعة  ديال المطاعم، واحد فيهم متخصص فالمطبخ الياباني الأسطوري ولكن بشكل متطور وجديد وفيه واحد اللمسة ميريكانية. المطعم الثاني سميتو  “ذو كومونز” وكا يقدم المطعم العالمي وتجربة عصرية ديال الماكلة. وكاين مطعم “بيف أند ريف”، اللي كا يقترح “مونو” (قائمة أكل) مستوحى من تصور “سورف أند تورف” اللي كا يركز على نكهات المحيطات والمنتجات المغربية المحلية.

المنتجع، اللي حل قبل شهور فقط فتاغازوت ضواحي أكادير، عندو جوج ديال البيران هوما  “جاز بار نولا” و”جونيبرز بار”، اللي جاو وسط من الحديقة النباتية، وفضاء شاي “إيريس” كا يطل على البحر، عندو مجموعة كبيرة من أنواع أتاي النادرة واللذيذة.