طاجين البيض بالكفتة ومطيشة

كلشي كا يعرف يطيب طاجين البيض بالكفتة ومطيشة. حتى هادوك اللي أميين فالطياب. ولكن هاد الطريقة شوية مختلفة وكا تعطيه بنة خطيرة. كا نديرو الكفتة تقلى فالطاجين مع شوية ديال الزيت البلدية والبزار والملح. ملي كا تطيب كان حيدوها ونحطوها فطبسيل بوحدها. وفهاديك المرقة اللي طابت فيها، كا نزيدو البصلة تتحمر، ثم كا نحيدوها تا هيا ونحطوها فطبسيل أبار، ونديرو فهاديك المريقة المطيشة ديالنا المقطعة تتشرمل مزيان. من بعد كا نرجعو الكفتة والبصلة، وكا نزيدو الربيع ومن بعدو البيض ديالنا. وفا شكا يطيب كا نضيفو واحد الشوية ديال زيت أركان إيلا كانت متوفرة، أو كان عوضوها بزويتة بلدية.