ما خبيناش عليكم
الكسكسو… جا من السودان؟
المغرب معروف فالعالم كلو بالكسكسو. هاد الطبق اللي ولا مقدس نهار الجمعة وما كايناش شي عائلة مغربية ما كا تطيبوش. ولكن قليل اللي كا يعرف باللي هاد الأكلة كانوا كا ياكلوها المغاربة كل يوم من عام 1721، وكانوا كا يصاوبوها بحال كيفما كا نصاوبوها اليوم. وهادشي مدكور فكتب ديال بزاف السفراء والرحالة اللي زارو بلادنا فقديم الزمان.
الأصل ديال كسكسو ومنين جا كان ديما منوض الصداع. بعض المصادر التاريخية كا تقول باللي من السودان وكاين اللي كا يقول من شمال إفريقيا اللي عرفاتو من القرن الثالث قبل الميلاد.
