“الخليع”… ماكلة “ليام الكحلة”

تعرفو هل فاس ب”الخليع” من قديم الزمان، واخا انتاشر فمدن أخرى. المغاربة كانوا كا يصاوبوه فالعيد الكبير ويخزنوه باش ياكلوه العام كامل، خاصة فليام “الكحلة” اللي كا تكون الناعورة فيها ما ضايراش مزيان وناقصة الفلوس.

ارتابط “الخليع” بثقافة الفلاحين اللي كانوا كا يخلطوه مع الشحمة ويحتفظو بيه وهوا فكامل القيمة الغذائية ديالو. حيت عندو قدرة على مقاومة العوامل الخارجية اللي كا تأثر على الجودة ديالو.

واخا كا يشبه ل”الكديد”، اللي كا يصاوبوه المغاربة فالعيد تا هوا ويحتافظو بيه على طول العام، إلا أن المذاق ديالهم مختلف تماما.

“الخليع” معروف بزاف فالمغرب والجزائر، ولكن كاين حتى فبعض البلدان المشرقية بأسماء مختلفة وطريقة تحضير مختلفة.