المغاربة كا يفضلو كوكا

59 في المية من المغاربة كا يعرفو كوكا و20 في المية كا يعرفو هاواي تابعاها سبرايت هي الثالثة بنسبة 5 في المية، حسب واحد الدراسة دارها مكتب سونيرجيا على سوق المونادا فالمغرب. هاد الماركات كلها تابعة لشركة وحدة هي شركة كوكا كولا اللي شادة 50 فالمية من السوق.

الدراسة أكدات باللي هاد الشهرة والنجاح ديال كوكا ما جاش من الإشهار بوحدو. ولكن لأنها بدات كا تدير صناعة المحتوى فمواقع التواصل الاجتماعي بكري وحيت عندها شراكات مع مطاعم ومحلات ديال فاست فود مشهورة وعليها إقبال كبير بحال “ماكدونالدز” و”بورغر كينغ”.