حسوة القمح المهرس… لذيذة وصحية

حسوة القمح المفروم، واللي كا يقولو ليه المغاربة القمح المهرس، لذيذة وصحية بزاف. باش تصاوبوها غا تحتاجو زلافة متوسطة  عامرة بالما، غا تغطسو فيها القمح مهرس واحد ساعة ديال المكانة. غا تحتاجو  قبصة ديال المسكة الحرة

ومعلقة كبيرة من الزيت والملح والقرفة وإيترو ديال الحليب.

غادي تاخدو طنجرة  وتحطو فيها القمح والما والملحة والزيت والمسكة، وتحطو كلشي فوق عافية مهيلة،  حتى يطيب القمح ويتشرب الما. من بعد زيدو الحليب، وخليوه حتى يغلي وحيدو الطنجرة من العافية، وقدمو الحسوة فزلايف ودردرو عليها القرفة.