بيض السمان… صغير ولكن فوائدو كبيرة

بيض السمان صغيور وصعيب فالتقشار. ولكن الفوائد ديالو راها كثيرة، وأولها أنه مزيان بزاف للناس اللي كا تدير الريجيم، داكشي علاش بزاف ديال الاختصاصيين ديال التغذية كا ينصحو بيه.

البيض ديال السمان فيه فيتامين “أو” وفيه الزنك وفيتامين “ب 2” والحديد، والكوليسترول المزيان لصحة القلب، وبزاف ديال البروتينات. والقيمة ديالو الغذائية اهم من البيض العادي ديال الدجاج.

المتخصصين فالتغذية كا يقولو باللي هاد البيض كينقي الدم من السموم وكا يقلل من إمكانية تلف خلايا الكبد وكا يخلص الجسم من بعض المعادن الخايبة بحال الزئبق.

بيض السمان كا يعاون على تحقيق التوازن بين الكالسيوم والبوتاسيوم فالجسم، وكا يخلص من الحجر فالكلاوي ومفيد للناس اللي عندهم مرض السكر حيت السعرات الحرارية ديالو هابطة.