كوكا بلا سكر فشكل جديد

شركة كوكاكولا فالمغرب، دارت تغييرات جديدة على مشروب كوكا بلا سكر باش يولي عندو نفس المذاق ديال كوكا العادية، واخا ما فيهش لا سكر لا سعرات حرارية.

المشروب الجديد دارو ليه قرعة جديدة تا هيا وعطاوه هوية جديدة بسيطة أكثر ومختصرة أكثر، وحيدو منو الشريط الكحل المشهور وخلاو غير لبيض ولكحل باش تبان ديك “بدون سكر” مزيان.

هاد المجهودات كا تديرها كوكا لأنها باغية تخفف كمية السكر فجميع المنتوجات ديالها باش تعاون الزبناء ديالها باش ينقصو من استهلاك السكر.

كوكا هي أكبر شركة ديال المشروبات فالعالم. موجودة فأكثر من 200 بلاد فالعالم. كا تبيع بزاف ديال المنتوجات المشهورة والمعروفة عند المغاربة بحال سبرايت وفانتا وهاواي وبومس وطوبس وقراعي الما سيال والمياه الغازية بوناكوا.