“أسواق السلام” دارت تطبيق جديد ومتطور

“أسواق السلام” دارت أخيرا واحد التطبيق جديد متطور، كا يسمح  برقمنة برنامج الوفاء ديالها وتطوير التجارة الإلكترونية ديال العلامة ديالها فنفس الوقت، وكا يسهل على الزبناء ديالها عملية التسوق، كيفما كا يضمن واحد التكامل بين المتاجر ديالها اللي منتشرة بعدد من المدن المغربية، وبين التسوق من الأنترنت.

التطبيق الجديد كاين في غوغل بلاي ومتجر “أبل”، وكا يسمح للزبناء ديال “أسواق السلام” يدخلو ل15 رواق وما يقرب 6000 منتوج (رواق الخضر واللحوم، المنتجات الطازجة، مواد البقالة، الإكسسوارات، لوازم البيت، الألعاب، الأجهزة المنزلية، وغيرها).

ويمكن للمتسوقين عبر هاد التطبيق، يصاوبو قائمة للتسوق ويحفظوها، ويختارو طريقة الأداء وطريقة التسلم، سواء عبر خدمة التوصيل المنزلي )أسواق ديليفري( أو استلام مشترياتهم بأنفسهم بالمتجر) خدمة طلبات السيارة(.

“أسواق السلام” دمجات أيضا برنامج الوفاء الخاص بها في التطبيق، باش تقدم لزبنائها العديد من المزايا، اللي غادية تمكنهم من الاطلاع على حساباتهم وعلى نقط الوفاء اللي حصلوا عليها، بالإضافة إلى مشترياتهم السابقة.

وبفضل هذا التطبيق، غادي يستافدو الزبناء الأوفياء، من عروض تخفيض، ويمكن ليهم يقدمو بطاقة الوفاء الخاصة بهم عند الشراء وكذلك الدفع بقسيمة الشراء الرقمية مباشرة عبر التطبيق.