لويجي… لعشاق ليباط

مطعم لويجي اللي فالمعاريف، واحد من أحسن المطاعم بالبيضاء اللي ممكن تاكل فيها ليباط بجميع الأنواع ديالها. الجودة مضمونة والسعر ممتاز بالنظر إلى الكمية المحترمة ديال الطبق. لويجي، المتخصص في الطبخ الإيطالي، ولا ريفيرونس فالمجال، واخا مولاه الطالياني، لويجي الحقيقي، باعو، ولكن المالك الجديد حافظ على نفس النيفو باش ما يجريش على الكليان. لويجي كا يعطيك اختيارات كثيرة ديال أطباق ليباط، إما بالصوص بيضا أو صوص طوماط أو صوص سبيسيال، كلها في غاية الروعة، ولو أنني شخصيا كا نفضل ليباط نوار بصوص سبيسيال. لويجي كا يدير سلطات متنوعة رائعة وبيتزا ديال الفور هائلة. ممتاز فالوقيتة ديال الغدا بالنسبة للناس اللي خدامين لأن الماكلة ديالو ما كا ثقلش.