ما خبيناش عليكم
كباب مغدور… علاش سماوه هاكا؟
المغاربة كلهم كا يعرفو كباب مغدور، خاصة عند اهل فاس. وكا يصاوبو هاد الوصفة بزاف بلا ما يعرفو علاش هاد الكباب كا يسميوه مغدور.
موقع “الماكلة” سول السي عزيز برادة، صاحب مطعم “لو كويستو أنترناسيونال”، واللي هوا واحد من الخبراء والمختصين فالأكل والمطبخ المغربي، وقال لينا باللي الطروفة ديال اللحم اللي كا يكونو واجدين للشوا، كا يرقدوهم المغاربة فالبصلة والربيع، باش يحطوهم الغد ليه فوق الشواية، ولكن بعض المرات كا يكون المصير ديالهم فوق العافية، ملي كا يزيدو فيهم الثومة وكا يديروهم فالطاجين. داكشي علاش سماوه مغدور. كا يكون غادي يتشوى كا يولي طايب طاجين ولا فالمقلة.
