كنافة شيف… فطور ديال السلاطين العثمانيين ب80 درهم

كنافة شيف، المطعم التركي المتخصص فحلويات الكنافة والآيس كريم، كا يقدم واحد الفطور رائع ب80 درهم. واخا يبان ليكم الثمن طالع شوية ولكن المحتوى راه متنوع وغني بزاف. فطور ديال السلاطين العثمانيين. فيه التوست والخبز التركي أو الخبز العادي إيلا كنتي كا تفضلو. فيه أومليط بالصوصيص مصاوبة على الطريقة التركية…  فيه طبسيل ديال مطيشة ولخيار، عصير ليمون أو حامض أو خيزو، سالاض بالفواكه، الزيتون لخضر ولكحل، نوتيلا، جوج أنواع ديال الكونفيتور… بلاتي نزيدك… فيه أنواع ديال الفروماج لبيض ولحمر والكاشير ديال لاداند والجبن… وعندك حرية الاختيار بين أتاي تركي أو أي مشروب آخر بحال القهوة بالحليب مثلا. الثمن بالمقارنة مع قهاوي ومطاعم أخرى، كا تقدم فطورات أقل قيمة غذائية، مناسب جدا. هاد الفطور إيلا ضربتيه فالصباح تقدر ما تاكل حتى للعشا، لأنك بحال يلا جمعتي فيه فطور وغدا.