أوليفيري… رائدة من الخمسينات لدابا

الناس اللي كا تبغي لا كلاص ما عليها غير بأوليفيري. القهوة المتخصصة فلي كلاص، واللي بقات متربعة على عرش القهاوي منين تحلات فسنوات الخمسينات حتى لدابا، واخا جاو علامات كثيرة، ولكن ما قدراتش تزعزعها على العرش.

أوليفيري كا تقدم نكهات مختلفة ديال الغلاص، وشكيلات مختلفة كذلك. ولكن “الماكلة” كا ينصح بمافالدا، الغلاص الأسطوري اللي أي واحد كلاه صعيب يبدلو بشي حاجة أخرى، خاصة مع داك اللويزات المقرمشين والمدردرين فوق من الكريم شانتيي.

الأثمنة ديال هاد المقهى العائلية كا تناسب جميع الجيوب. معدل الأسعار ما كا يفوتش 50 درهم للكلاص، وكاين عندهم الغلاص الكبير ديال العائلة ولا الضياف كيفما عندهم الكاطو كلاصي والميلك تشيك وغيرو من المنتوجات اللي عندها علاقة بالكلاص.